മുംബൈയിലെ അമിറ്റി സര്വകലാശാല ബഹിരാകാശത്തേക്ക് അയച്ച ചീര കോശങ്ങള് മുളച്ചതായി റിപ്പോര്ട്ട്.
‘മൈക്രോ ഗുരുത്വാകര്ഷണത്തിന് കീഴില് ബഹിരാകാശത്ത് സസ്യങ്ങള് വളര്ത്തുന്നത് ബഹിരാകാശ ജൈവ ഗവേഷണരംഗത്ത് പ്രധാന നാഴികക്കല്ലാണ്. ബഹിരാകാശത്ത് മനുഷ്യനെ എത്തിക്കുന്ന ദൗത്യങ്ങളില് ഇത് ഏറെ പ്രയോജനം ചെയ്യും. ദീര്ഘനാള് ഗവേഷകര്ക്ക് ബഹിരാകാശത്ത് നില്ക്കേണ്ടി വരുമ്പോള് ഇതിന്റെ സാധ്യത പ്രയോജനപ്പെടുത്താന് കഴിഞ്ഞേക്കും. പോയെം-4 പ്ലാറ്റ്ഫോമില് നിന്ന് ലഭിച്ച പ്രാരംഭ ഡാറ്റ ചീര വിത്തുകളില് വളര്ച്ചയുടെ ലക്ഷണങ്ങള് കാണിച്ചിട്ടുണ്ട്,’- അമിറ്റി സര്വകലാശാല വൈസ് ചാന്സലര് എ ഡബ്ല്യു സന്തോഷ് കുമാര് പറഞ്ഞു. അമിറ്റി സര്വകലാശാലയിലെ സെന്റര് ഫോര് ആസ്ട്രോബയോളജിയിലെ പ്രധാന ശാസ്ത്രജ്ഞന് കൂടിയാണ് സന്തോഷ് കുമാര്.
